Corpus Van Reenen-Mulder (CRM14): Oorkonde H536r37701

WJE jhan van clerken ende willaem denijs Scepen in dixmude Doen te wetene allen lieden dat cam vor ons als voor scepenen broeder jhan vterloo priester broeder van + der derder ordine ende drouch up bi ziere propre wille en_ bi ziere goeder vorzienicheide broeder pietren de weeze muuster van + den Couente van + der derder ordine jn + de stede va_ brucghen in deisen tiden tcouents bouf van + der derder ordine vors_ Een huus met al datter toe behoord staende jn + de vulrestrate an + de zuutzide naest jhans clercx huus af west af ende gaf dann + of jn onse p_ntie alme en_ wettelike ghifte broeder pietren vorseit jn + de name van + den vornoemden couente omme daer in den broeders van + der derder ordine te wonene en_ te habiteerne die hem zullen laten beleden van + den Muuster van + den Couente van + der derder ordine jn + de stede van brucghen vors_ die nv es jof namaels wesen zal jof bi + den gonen diere de muusters toe zullen deputeren ende stellen in haren tiden En_ heift beloeft tvornoemde huus met al datter toe behord wel en_ wettelike te warandeerne broeder pietren den weeze in manieren alsoot vors_ es met ziere Rechter landscoud gheldende tseghen elken mensche zonder enighe fraude jof malengien Bi + der orconsceipe van deiser l_re beseghelt met onsen p_pren zeighelen Ghemaect en_ jegheuen den zesten dach van wedemaent jnt jaer ons heren dusentich drie hondert zeuen + ende + zeuentich -