Corpus Van Reenen-Mulder (CRM14): Oorkonde H536r37702

Wij Beurghmeesters Scepenen Raed ende ghemeente van den damme Doen te wetene ende Maken Cond allen lieden Dat mids den Consente ende ottroye Dat ons de stede van Brugghe ghedaen heift ene brucghe van twalef voeten breet te makene bin onser poort ouer tnieuwe ghedelf daer wijlen de Minne~brucghe stont niet hoghere danne nu die straten an beden ziden van den gehdelue zijn Reys a Reys vp onser voors_ poort Cost Wij verbinden ons allen ende elken van ons allen ouer al ende ouer alle naerco_mers dese voors_ brucghe die wij nu zullen maken af te brekene ende te nieuten te doene tonser voors_ poort Coste tallen tiden so wanneer dat wijs vermaend zullen zijn van der stede van Brugghe voors_ altoos behouden elken zijnre aeruachtichede als verre als dordinanche van der nieuwer speije mentioen maect ende in~heift Bi der Oorcontscepe van desen l_ren beseghelt metten groten zeghele van banden van onser poort van den damme voors_ vuthanghende dit was ghedaen vpten neghen ende twintichsten dach van wedemaent jnt jaer ons heren als men screef . M . + CCC . + zeuen ende zeuentich -