Corpus Van Reenen-Mulder (CRM14): Oorkonde H536r39501

_iaen scapinhaerst Jacob bastin oliuier va_ molenbeke Jacob thoris en_ henric de Coninc wij scepen_ in den dam doen te wetene allen lieden dat camen voor ons als voor Scepen_ Arnoud van der brucghe ende vrouwe trude ziin wiif ende gauen halm ende wetteleke ghifte den h_ niclays barbezaen ende den h_ Jan biesen als tresoriers van der stede van brucghe in desen tijd ende ter voors_ stede bouf van tween husen land ende datter toe behord van voren tote bachten staende an de speye tieghen~ouer sent Joris capelle tusschen den huse dat men heet de helle toe~behorende den h_ jacop poussaerde van der (onleesbaar) af een zyde ende den ganghe toe~behorende der stede van brucghe af ander zyde Ende Arnoud van der brucghe ende vrouwe trude zyn wiif voors_ ?dden ende beloueden den voors_ tresoriers ter voors_ stede bouf de voors_ twee husen land ende datter toe behord van voren tote bachten te warandeerne ende te wetten te waerne tieghe elken mens? Dats te weitene tgrote huus daer de voors_ Arnoud nu ter tijd in woend met zesse ponden neghene sceleghen ? peneghen en_ een allinc par_ aerueli? renten siaers der vte gaende te rechten landcheinse Ende (onleesbaar) huus der neffens staende met sesse sceleghen par_ der vte gaende te rechten landcheinse Ende zij verclaersden an beden zyden by haren eeden dat de voors_ twee husen land en_ datter toe behord van voren tote bachten vercoch? waren ende ghegheuen . o_me viere waerf twintich pond grot_ tourn_ waen + of Arnoud van der brucghe ende vrouwe trude ziin wiif hembeden voor ons wel vernoucht ende ghepayt hilden Jn kennessen der waerheden hebben wij scepen_ voors_ deze lettre bezeghelt met onsen zeghelen vthanghende Dit was ghedaen upten tiensten dach in laumaend jnt jaer ons he_en M . + CCC . + viere en_ neghentich