Corpus Van Reenen-Mulder (CRM14): Oorkonde H536r39601

Wie Jan Camphin Ende jan de veltre ScepeneN Jn brucghe in dien tiden dat dese dinghen voor ons waren ghedaen doen te wetene allen lieden dat Cam voor ons als voor scepene_ willem van + der hameyde kende ende verlijede dat hi ontfanghen heift van + den heer niclaise baerbesaen ende van janne bouts den houden zeuentiene ponden viertien sceleghen en_ zeuen peneghen groter tornoisen als van + den Cope van achte en_ twintich waghen / elleuen naghel bloc loods ten prise van twalef sceleghen en_ zesse peneghen groter tornoisen de waghe bi hemlieden ghekocht ter stede bouf van brucghe / omme te beseghene ant conterpoys van + der niewer duere ghemaect jn de + houde speye ten da_me van welken vorseiden groter torn_ willem van + der hameyde vors_ hem aldaer wel vernoucht en_ ghepaeit hild / Ende de stede van brucghe den heer niclais baerbezane / janne bouts den houden vors_ ende hem allen wien datter quitancie af toebehoord der af quite scalt . Jn kennessen van desen dinghen So hebben wie scepen_ vors_ dese l_ren huuthanghende besegheld met onsen zeghelen Dit was ghedaen jnt jaer ons heren dusentich drie hondert viue en_ tneghentich vpten viere en_ twintichsten dach van sporkele -