Corpus Van Reenen-Mulder (CRM14): Oorkonde H536r39602

Wie jan de Muntre Ende willem de moer Scepenen . . Jn brucghe in dien tiden dat dese dinghen voor ons waren ghedaen doen te wetene allen lieden / dat Cam voor ons als voor scepenen pieter danckaerd de deluere kende ende verlijede / dat hi ontfanghen heift van der stede van brucghe bi den handen van + den heer niclais baerbesane ende van janne bouts den houden viue ponden groter tornoisen als van zekere vorwoorde bi hemlieden ghemaect vter name van + der vors_ stede / tieghen den vors_ pieter danckaerde als van + den bodeme van + der niewer speye ten da_me droghe te makene van al + den watre daer vp wesende . van welken vors_ viue ponden groter tornoisen pieter danckaerd vors_ hem aldaer wel vernoucht ende ghepaeit hild ende de vors_ stede van brucghe den h_e niclaise baerbesaen ende janne bouts vors_ der of quite scalt . jn kennessen van desen dinghen so hebben wie scepenen vors_ dese l_ren huuthanghende beseghelt met onsen zeghelen / dit was ghedaen jnt jaer ons heren . M . + ccc + . zesse en_ tneghentich vpten zessten dach van meye - - -