Corpus Van Reenen-Mulder (CRM14): Oorkonde H536r39603

Jan bouin _iaen scapinhaerst jacob bastin oliuier van molenbeke ende jacob thoris Wij scepenen in den dam doen te wetene allen lieden dat cam voor ons als voor scepenen henric van der lippe ende gaf halm ende wettelike ghifte den h_ niclaese baerbesaen tresorier van der stede van brucghe ende ter vors_ stede bouf van eenen huus land ende datter toe behord staende an de maerct dat men heet ten hane tusschen der niewer speye af een zijde ende oliuiers huse van molenbeke af ander zijde Ende de vors_ henric van der lippe wedde ende belouede den vors_ h_ niclaise trosor? van de? vors_ stede van brucghe ende ter vors_ stede bouf tvors_ huus land ende datter toe behord van voren tote bachten te warandeerne ende te wetten te waerne tieghen elken mensche met twee ende dertich sceleghen ende twee peneghen grot_ tourn_ Renten siaers (onleesbaar) (onleesbaar) te rechten landcheinse . Ende zij v?claersden an beden zijden by haren eeden dat tvors_ huus land ende datter toe behord van voren tote bachten vercocht was ende ghegheuen o_me twee ende vichtich ponden grot_ tourn_ wan + of henric van der lippe vors_ (onleesbaar) voor ons wel vernoucht ende ghepait hilt jn kennessen der waerheden hebben ? scepen_ dese lettre gheseghelt met onsen ? ? Dit was ghedaen vpten neghenste_ dach in oeste Jnt jaer ons he_en . M + . CCC + . zesse ende neghentich .