Corpus Van Reenen-Mulder (CRM14): Oorkonde H536r39604

Cond zij allen lieden die dese l_n zullen zien af horen lesen dat jc gillis van der houtmersch kenne ende lye ontfanghen hebbende van clais baerbizane ende ja? bouts den ouden betalende in de name en_ ou_ de stede van brucghe de so_me van . viue . + en_ + . vichtich pond en_ . viere . pene gro_ als van den cope van zekeren paercheel? van houte ghebesight an de (onleesbaar) bedden en_ de houtine cayen van der niewer speye van da_me . Eerst van hondert vutdraghende balken ten prise van zeuen scellinghe grote elc vutdraghende balk jtem neghentien? planken elc stic ten prise van . twalef gro_ jtem zeuene en_ dertich sparren elc stic ten prise van viere g? jtem drie balken van vichtich voeten elc balke ten prise van neghentiene scell_ gro_ jtem eenen balke van vertich voeten ten prise van zestiene . scellinghe g? jtem zesse en_ tachtentich eekine planken el stic ten prise van dertich groten jtem neghene . stanchoene elc stic ten prise van . viere scell_ groten Ende . v? sparren van dertich voeten elc stic ten prise van zesse en_ dertich groten van welker vors_ so_me van lv _ iiij _ gro_ jc mj wel ghepayt en vernoucht houd? scelde daen of quite de vors_ stede van brucghe clais baerbezane jan bouts den Ouden ende allen andren Jn kennessen der waerheden zo hebbic gillis van de? houtmersch vorseit dese l_re_ bezeghelt met minen zeghele vuthanghende dit was ghedaen jnt jaer ons he_en . M . + CCC . + zesse en_ tneghentich vp den neghene ? twintichsten dach in Oustmaend - - -