Corpus Van Reenen-Mulder (CRM14): Oorkonde H536r39605

Het zij cond ende kenlijc allen den ghuenen die dese l_ren zullen zien iof horen lesen / dat ic Eueraerd heetvelt hebbe ontfaen van + den heer niclaise baerbesaen ende van janne bouts den houden dartiene ponden achtien sceleghen elleuen peneghen en_ enen halling groter tornoisen co_mende van + den cope van twalef sticke bloc loots tieghen mij ghekocht te tien sceleghen en_ zesse peneghen grot_ torn_ de waghe wouch zesse en_ twintich waghen en_ zeuentiene naghel / twelke loed ghebezicht es an + de niewe speye ten da_me van welken vors_ dartiene ponden achtien sceleghen elleuen peneghen en_ enen halling grot_ tornoisen ic mi wel vernoucht en_ ghepaeit houde / ende de stede van brucghe den h_e niclaise baerbesaen Janne bouts den houden en_ hem allen wien datt_ quitancie af toebehoord der of quite scelde jn orcondscepen der wareiden so hebbic Eueraerd heetvelt vors_ dese l_ren huuthanghende beseghelt met minen zeghele dit was ghedaen jnt jaer ons heren . dusentich drie hondert zesse en_ tneghentich vpten laetsten dach van nouember - - -