Corpus Van Reenen-Mulder (CRM14): Oorkonde H536r39702

Wie willem de mour ende Jan Biese scepen_ jn brucghe in die_ tiden doen te wetene alle_ lieden dat Camen voor ons als voor scepene_ wouter f_ jans , jan lockaerd , boudin f_ aernouds , dankaerd f_ jans , en_ joris de crooc , alle deluers en_ kennede_ en_ verlieden dat zij ontfanghe_ hebben van + de_ he_e niclaise baerbesaen en_ janne bouds den houde_ betalende jn + de name en_ ouer de stede van brucghe hondert en_ tneghentich ponden grote_ torn_ van + de_ damme hute te doene die lach int zwin ter sluus voor tnieuwe casteel ter mude / van + de_ welken voors_ hondert en_ tneghentich ponde_ grote_ torn_ wouter f_ jans jan lockaerd boudin f_ aernouds dankaerd f_ jans en_ joris de crooc voors_ hemliede_ aldaer wel ghepaeyt en_ vernoucht hilde_ en_ den voors_ he_e niclais baerbesaen janne boud de_ houde_ der stede van brucghe en_ allen andre_ die quitance behoord daer of quite scolden . . jn kennesse_ van desen dinghe_ hebben wij scepen_ voors_ dese l_ren vuthanghende beseghelt met onsen zeghelen dit was ghedaen int jaer . M . + ccc . + zeuene en_ tneghentich vpten twintich~sten dach van wedemaend - - - - -