Corpus Van Reenen-Mulder (CRM14): Oorkonde H536r39801

Cond ende kenlijc zij allen lieden die dese l_re zullen zien Jof horen lesen dat wij broeder wout_ de scapere meester van den couente van + der derder ordinen en beghaerden in brucghe nv ten tiden broed_ Jacop bloeme onder~meester Ende wij Jan heldebolle ende Jacop bonin vooghden van den vors_ couente van + der derder ordinen ten seluen tiden / kennen ende verlyen ouer ons ende ouer al tghemene couent Ende voord ouer alle de gheune die naer onslieden meester onder~meester ende vooghden van den vors_ ghemenen couente wesen zullen / dat wij in den name van den vors_ ghemene_ coue_te gheuen ende ghegheuen hebben ouer ons ende ouer onse naerco_mers Jn rechten noyalen euweliken ende erueliken cheinse onsen goeden vrient Jan hasebecke drie ghemete_ lands lichtelike min af meer ligghende ende staende in de prochie van bernem in tambocht van hoorscamp ofdende an beuerhout~velt tusschen mands kindre van ?loemeghem an doostside Ende mands honghermaerx lande an de west~zide o_me zesse schellinghe gro_ tor_ elkes iaers daer a? gheldende in ?ueliker Renten der ordinen ende couent vors_ Ende die te gheldene ende te betaelne telken sinte bamesse sonder fraude af enich malengien Ende mids desen so heift de vors_ Jan hasebec belooft bi trouwen ende bij eren vp d?t vors_ land te makene en_ te doen makene een goet payabel woenhuus sulc als daer hem in ghelieuen sal te woenne ende ?biteerne Ende dat sal hi houden staende sijn leuen lanc Ende naer hem sijn hoirende sine naerco_mers ten euweliken daghen ghedurende Ende ware de vors_ Jan hasebec hier af in eneghen ghebreke van den huse te doen makene af te houden staende na der manieren dat vors_ es Ende ooc de vors_ zesse schellinghe gro_ niet ne betaelde soot vors_ es So heeft hi daer toe verbonden ende verbind een ymet lands lichtelike min af meer ligghende ende staende binnen der vors_ prochien vp theerscap van (onleesbaar) (onleesbaar) (onleesbaar) Ende de strate die gaet te witteweyts waerd an de noortzide (onleesbaar) die met sire rechter landscout dats te wetene met twee inghelschen siaers / de~welke twee inghelsche de vors_ Jan hasebec sijn hoir ende sine naerco_mers ghelden ende betalen sal metter vors_ andre landscout die Jaerlijx gaet huten vors_ drie ghemeten Ende hier af ne zulle_ de vors_ bagaerden ne_mermeer hebben cost no last si no hare nacomers so den brief van manne die si hebben daer af mensioen maect ende in~hout Ende dus sijn p_tyen an beden siden wel ghepayt Jn kennessen der waerheden so hebben wij meester ende onder~meester vors_ ouer ons en_ ouer onse naco_mers dese l_re huuthanghende bezeghelt metten zeghele van den vors_ ghemenen couente Ende o_me de meerre verzekerthede so hebben wij Jan heldebolle ende jacop bonin vors_ als vooghden van den vors_ couente dese l_re huuthanghende bezeghelt met onsen zeghele metgaders tsuors_ couents zeghele (onleesbaar) (onleesbaar) ghedaen Jnt Jaer ons heren M . + CCC zeuene ende tneghentich vp den eersten dach van aprille