Corpus Van Reenen-Mulder (CRM14): Oorkonde I049p36302

WJ scepen_ en_ Burghmeist_s van zierixe Maken cont allen lieden dat wi bi _sente Rade en_ wilkoren der meeren hoep der meest_s van scepen en_ den Reeders en_ den scipmannen die bi der zee Reeden en_ varen beuolen hebben en_ beuelen en_ machtich maken met desen brieue hughen piet_ yen sons sone dieric poppen sone en_ piet_e jans sone onsen port_e alle zaken te hantierne te berechtene en_ te voldoene van der stede weghen van zierixe van der zoene die dieric poppen sone en_ piet_ jans sone vornoemt van der ghemeenre stede weghen ghesproken en_ ghedadinct hebben jeghens piet_e niclays sone hoeftman tot wardingheburgh van zuinde niclaus sons doet daer zijne broeder die zoene uyt te bringhene te betalene en_ te voldoene voerval eede en_ al + recht datter toe behoert jn alre manieren als met goeder vorwerden ondersproken wes met piet_ niclays sone en_ met zinen maghen En_ Om dit te voldoene soe onbieden wi en_ ghebieden allen den port_en van zierixe die bi der zee bute den dunen met hare scepen En_ met hare coemanscepen varen . en_ eenen yegheliken besonder dat ghi hughen dieriks en_ piet_ vorscreuen bi~staet en_ te helpen coemt en_ ghehoersame zijt met liue en_ met goed waer dat zijs te doene hebben zoe wanneer dat ghijs van hem drien jof van den tween jof van den eenen vermaent werden dat zi dese zoene vast en_ wel volbringhen en_ voldoen als ghesproken es en_ waer dat zake dat hem yement hier jn ouerhoeric ware en_ niet te helpe en quame en_ bi en stonde als vorscr_ es dat zouden wi houden an zijn lijf en_ an zijn goed als an den ghenen die die stede van zierixe verderuen wilde jn orkonden desen brieue beseghelt met onsen ghemeenre port zeghelen Ghegh_ op zente marien madelenen dagh jnt jaer ons h_en M . + ccc . + drie en_ tsestich -