Corpus Van Reenen-Mulder (CRM14): Oorkonde I049p36304

WJ scepenen ende Burghmeist_s van zierixe Maken Cont allen luden dat wi bi versoeke _sente Rade ende wille der meere hoep der meest_s van scepen en_ den Reeders en_ den scipmannen die bi der zee Reeden en_ varen Om groeten noet orbaren en_ om tmeeste quaed en_ scade met der minst_ te verhoedene met hem ouer~een~ghedraghen zijn en_ hebben gheordeneert ende gheset een pond~ghelt op alle die ghene die van zierixe buten dunen ter zee + waert varen of varen zullen met Coepmanscepen jn alsulker manieren als hier na volghet jn den eersten zal elc meest_ die hier toe reed of Reeden zal alhier gheuen zes groete van elken pond groeten van den toelegghe alhier van zinen hoefstoels van al den scepe en_ elc scipman van elker reysen die hi daer van ziere vaeringhen eenen ouden groeten En_ van elker scoenser last harinx die men op die scoensche reyse maken zal twee oude groete Ende waert dat yement van buten onder onsen voghet op scoenre land quame ligghen en_ harinc makede die zoude gheuen van elker last harinx twee oude groete ghelike onsen port_en ende dese ordenancie zal altois wesen op een verbeteren van scepen_ en_ van burghmeist_s en_ zonder arghelist ghedueren tot onsen wederzegghene Ende jn deser Ordinancien ende zettinghen van den pondghelde vyt te gheuene zullen wesen alle die ghene die buten den dunen ter zee + waerd varen met Coemanscepen en_ al haer goed dat zi met haren scepen wech~varen en_ weder~bringhen ende Oech zullen hier in v_bonden wesen alle die meest_s Reed_s en_ scipmanne die hier niet tot huys noch te~jeghewerden gheweset en hebben noch en zijn gheliken dien and_en die hier bi en_ ouer gheweest hebben En_ dit pondghelt hebben wi beuelen en_ beuelen en_ maken machtich met desen brieue hughen pieter yen sons sone dieric poppen sone en_ piet_ jans sone te ontfanghe jn te nemene en_ vyt te gheuene alsoe als die beste en_ meeste orbare wesen zal En_ beuelen onbieden En_ ghelieden eenen yegheliken en_ elken besonder van den meest_s Reeders en_ scipmannen dat zi haer pondghelt als vorscreuen es ghewillenlike betalen en_ vytgheuen als vorscreuen es Ende waert dat yemen dit vorseide pontghelt niet en betaalde als vorscr_ es zoe zouden wi met den scoutate ghaen tot des gheens ghereedsten goede dat hi hadde en_ daer of alsoe vele v_coepen om ghereed ghelt als zijn pondghelt beliepe en_ die scade dare of comen ware en_ daer toe also corregeren en_ doen ontghelden dats hem een ander echter hoeden zoude Jn orkonden desen brieue beseghelt met onser ghemeenre port zeghelen Ghegh_ op zente marien madalenen auont jnt jaer ons heeren . M . + ccc . + drie en_ tsestich - - - - - - -