Corpus Van Reenen-Mulder (CRM14): Oorkonde I049p36801

WJ willem willem mont_s sons sone witte willems sone En_ heinrich jonghe jans sone scepenn_ in zierixee , Orconden en_ kennen dat broeder jan van leyden broeder van der dorden Ordinen met Eenen waerliken ghecoren voghet vercofte en_ verghifte in rechten Eyghendoeme . doedine costins sone en_ willem vor + den daghe hughen sone Eene hofstede die heine die Tromp_e nv bezeten heeft en_ leghet in die nieweport also als nv die vors_ hofstede ghelt neghentiene g_te Elx jaers ghedurende tote Eenen brande . en_ vort~an vp doedine costins sone . en_ vp will_ vor den daghe te arghen en_ te bet_en En_ leghet binnen desen . + lant~ghem_ken willem jans sone hughe meeus sons neve nort of die vliet Oest of willem spaen . zuut of en_ die strate west . + of Om_e Eene sum_e van ghelde die doedin costins sone en_ will_ vor den daghe hughen sone vorscr_ te vollen en_ al vergouden hebben als broeder jan vor ons gheghiet heeft En_ broeder jan vorscr_ beloeft_e met Eenen waerlike_ ghecoren voghet doedine costins sone en_ will_ vor den daghe waerscepe daer of te doene te vollen rechte en_ allen aenboerd of te doene en_ allen com_er of te doene diere up ghewesen heeft vor den daet van desen brieue . jn Orconden desen brieue bezeghelt met Onsen zeghell_ ghegheuen vp den twelfsten dach van meye jnt jaer ons h_en M˚ . + ccc˚ achte en_ tsestich