Corpus Van Reenen-Mulder (CRM14): Oorkonde I049p37001

Wj jan jans costers sons sone willem die hont wittellen sone Ende wittelle lievins sone scepenen in zierixee Orkonden ende kennen Dat jacop jan domaes sons sone van der kene vercofte en_ verghifte in rechten Eyghendoeme Coman andriese rengaers sone . Een ghemet lants luttel min . jof~te meer ligghende an jan eelbouts sons wech . binnen desen lantghemerken willem godeuaerds sone die hantscoemak_e oest of die herewech . zuyt of wisse jan willems sons sone west of . Ende agneese wisse . Enenoghen wedue nort of Omme eene su_ma van penninghen . Die coman andries rengaers sone hem jacop jan domaes sons sone als hi voer ons gheghiet heuet te vollen en_ al + betaelt heuet Ende jacop jan domaes sons sone . Domaes ende jan jacops broed_en voirscr_ alle Drie met ghesamender + hant onghesceeden en_ elc voer al belouenre coman andriese rengaers sone waerscepe hier of te doene diere vp ghewesen heuet voer den daet van desen brieue . Ende jacop jan domaez sons sone voirscr_ beloeft domase / ende janne . sinen broederen hier of scadeloes te quitene Jn Orkonde desen brieue bezeghelt met onsen zeghelen ghegh_n des vridaghes na sinte ponciaens dach jnt jaer ons h_en . M˚ . + ccc˚ en_ tseuentich