Corpus Van Reenen-Mulder (CRM14): Oorkonde I049p40001

Allen den ghenen die desen brief zullen zien jof horen lesen baeliu burghmeysters Scepenen ende Raed der stede van zyrixe doen cond ende kennelijc dat wi bi ghemeenen consente ende ouer~eendraghene Ghegheuen beuolen ende machtich ghemaect hebben gheeraerd van spreewensteyne tote zinen liue al durende die dijcgraefscap van qualambocht met allen haren toe~behoeren . Te regyeren te bewaren ende te bedriuen tote der stede ende des ghemeens ambochts vors_ oerbaer en_ profijt jn zulken rechte ende Custumen ende jn allen manieren alst andere dijcgrauen vortijts bedreuen hebben jn kennessen der waerheit soe hebben wi onser stede seghel an dese lettere doen hanghen Ghescreuen vpten zeuenden dach jn januario jnt jaer ons heere_ dusend ende vier hondert