Corpus Van Reenen-Mulder (CRM14): Oorkonde I057p36601

Wy Clays Stadinc Godevaerds sone ende Godevaerd die Pottere , scepenen in Steenberghen , kennen dat Jacop die Maersman voer ons verliede dat hi wittelike vercreghen heeft tote enen gherechten arfcheynse jeghens joncfrouwe Clarissien , nonne van Breda , een arve dat gheleghen es tusschen Heinric Hoefthaerds arve die een zide ende tuschen Pieter Cox kinder arve ane die ander zide streckende van voren der straten achter waert metter stegen ghelikerwys als het Jan Witte Pieters sone bi wilen beseten hadde , omme zes + ende + twintich oude grote tsjaers gherechts arfcheyns te betalene alle jare joncfrouwe Clarissien voerseit of den ghenen die dese lettre brangt , die een helft up den meye~dach ende te betalene alle jare , die ander helft up sinte Baven + dach . In orconden deser lettren die wart ghegheven int jaer ons Heren dertien hondert jaer ende zes ende tsestich des vridaghes voer sinte Lucas dach ewangeliste .