Corpus Van Reenen-Mulder (CRM14): Oorkonde I064a37702

Wy jan gillis sone / Pieter hughen sone / willem rinsche / arnout arnouts sone / en_ jan heynrix sone Coerscepenen in bigghenk_ke maken cond en_ kenlic dat vor ons Cam willem Oelaerds sone en_ ghichtede in rechten eyghe_do_me wille_me wouters sone hondert roeden lants lichtelic min of meer ligghende te bigghenk_ke binnen desen vieren ghemarken die here~wech leghet an die Oestside / heynric piet_s sone an die zuutside / willem willems sone an die westside / ende die here~wech an die noortside / en_ een ghedinghe als hi met scepenen gheachten mach . Ende willem oelaerds sone vorn_ gheloeft / wille_me wouters sone vors_ dit vors_ lant te waerne tote allen rechte ende recht warent daer of te wesene . Vort verliet hem willem Oelaerds sone vorn_ dat willem wout_s sone vors_ hem wel betaelt heuet beede den eersten pe_nijnc ende den lesten van desen vors_ lande . Jn kennessen der waerheiden zoe hebben wy coerscepenen vorn_ desen brief beseghelt met onsen zeghelen Dit was ghedaen int jaer ons he_en . M˚ . + CCC˚ . + zeuene en_ tseuentich vp den vierden dach in junio