Corpus Van Reenen-Mulder (CRM14): Oorkonde I066p38601

Wij B˚rghemeest_en / Scepenen en_ Raed Ende alle de goede liede ghemeynlec des dorps van + der vere in zeelant in walch_en . Doen te wetene allen lieden Dat wij o_me orbore en_ p_fijt van ons en_ van ons vors_ dorps van + der vere wel en_ wittelec vercocht hebben . Tydemanne Eekeleschof van Dorpmonde Te sinen liue duer en_ niet langhere tsiaers . Sesse ponde vlaemschere grote goet en_ custbaer / Dats te wetene Eenen guldenen pe_ninc gheheeten nobel van Munten sconincs van Enghelant goet en_ custbaer van goude en_ van ghewichte / vore seuene scellinghe en_ viere pe_ninghe der vors_ vlaemsch_e grote gherekent / Ende Eenen ouden vrankerijcschen scilt goet en_ custbaer vore viere scellinghe der seluer vlaems_ grote gherekent / Ofte de weerde daer af jn and_en goeden ghelde / jaerlikere renten en_ lijftochten / O_me Eene zekere so_me van pe_ninghen die ons de vors_ tideman wel en_ wittelec vergouden heeft / en_ die wij voert bekeert hebben en_ ghegheuen / jn openbaren noet orbore / ende profite / ons vors_ dorps van + der vere / De~welke vors_ Sesse ponde vlaemsch_e grote tsiaers lijftocht Renten wij alle ende elc van ons voer al / gheloeft hebben en_ ghelouen bi ons_ trouwen en_ zekerheyt / Te gheldene ende te betaelne / den vors_ Tidemanne / Ofte sinen zekeren bode bring_ des_ l_ren ofte van + den transcrifte daer af bezeg_lt met Eenen zegle auctentijc / ten t_minen die hier na bescreuen staen / Dats te wetene / Deene helft daer of / Opten yersten dach van Meerte / Ende dandere helft / opten yersten dach van September Ende te leuerne binne_ der stat van antwerpen jn + den wissel / alsoe langhe / alse de selue tideman leuen sal en_ niet langhere . Met alsulken vorwaerden waert Dat den vors_ Tydemanne / alle jaere van + der vors_ lijftocht Renten / niet en worde ghenouch ghedaen op elken vors_ t_myn Ofte binnen Acht daghen na elken t_mijn volghende Dat wij dan alle daghe na die acht daghe alsoe langhe alse wij van gheldene in ghebreke vonden worden . Den vors_ Tydemanne gheuen souden en_ sculdich waren te gheuene van p_pre scout van elken vors_ ponde grote daer wij tachter af waren . Sesse vlaemsche grote der vors_ Munten sonder mindernisse ofte afslaen van + der p_ncipaelie lijftocht Renten vors_ Ware oec dat zake Dat wij in Enighen vors_ t_minen vonden worden in ghebreke van gheldene / Dese vors_ lijftocht Rente jn Eenen deele ofte jn altemale des niet sijn en moete / Soe willecoren wij orlouen ende consenteren / Dat de vors_ tideman / Ofte sijn zeker bode bringher des_ l_ren / Ofte van + den transcrifte daer af bezeghelt / alsoe vors_ es / gheuen mach / op ons op ons oyr en_ nacomelinghe ende op onse vors_ dorp van + der vere Enighen he_e ofte rechtere wie hij zij daer hi rechts van ons af begheert / Twintich scellinghe vlaems_ grote / o_me ons mede te bedwinghene / dat wij van + der vors_ Renten ghenouch souden doen / De~welke vors_ twintich scellinghe vlaems_ grote / Eest dat zij aldus ghegheuen worden / wij ghelouen te gheldene en_ te betaelne metter vors_ p_ncipalie scout / sonder de principale rente ofte oec de vors_ sesse grote sdaeghs van elken vorseiden ponde grote bouen den vors_ t_mijn yet te verminderne / Ende o_me alle dese vors_ gheloften / ende vorwaerden / vaste en_ wel te houdene en_ ghetrouwelec te voldoene / Soe hebben wij verbonden ende verbinden / ons onse oeyr en_ nacomelinghe / en_ al ons goed Ruerende en_ onruerende en_ alle tgoet van ons_ oyre en_ nacomelinghen / hoe en_ waer dat gheleghen es ofte vonden mach worden / Dat wij nv hebben en_ namaels ghecrighen moghen . . Voert bidden wij allen he_en ende recht_en gheestelec ende werelec wie sij sijn / waert dat wij jn ghebreke waren van gheldene / dese vors_ lijftocht rente ofte van Enighen and_en vorwaerden / die jn dese lett_en ghescreuen staen / jn eneghen vors_ t_mine / dat + sij ons Onse oyr en_ nacomelinghe / ende alle onse goede houden / panden / arresteren / ende su_seren / ouer al te wat steden / dat wij vonden worden / en_ soe langhe houden / tot~dat wij volcomelec voldaen hebben / alle de dinghen ende vorwaerden / die vore bescreuen staen / Ende o_me alle dese vors_ gheloften / ende vorwaerden / vaste ende wel te houdene / Soe hebben wij verteghen en_ verthyen vore ons / vore onse oyr / en_ nacomelinghe / alle exceptien van barate / van loesheiden / en_ van subtilen vonden / alle p_uilegien des Crucen ghenomen ofte te nemene / en_ daer toe alle rechte / gheestelike en_ werelike en_ alle dat ons hulpe en_ stade doen mochte / jeghen dese vors_ gheloften en_ vorwarden / Ende die den vors_ tidemanne lett_en / deren / ofte ontstade doen mochten jn enegher mani_en / Oec verthyen wij ? recht dat (onleesbaar) dat (onleesbaar) renu_tiatie niet en doech van rechte / Behoudelec emmer dien / Soe wanneer bi + den wille gods / de vors_ tideman comen sal sijn van liue ter doet / Dat wij dan ende onse vors_ dorp van + der vere van + der vors_ lijftocht renten / meer te gheuene / en_ van allen anderen voerscr_ vorwaerden en_ gheloften / los vry en_ quite sullen sijn / en_ bliuen tallen daghen / Maer waren wij yet van acht_stelle sculdich / dat souden wij ghelden en_ betalen / Ende o_me~dat wij borghemeest_en / Scepenen ende Raed / Ende alle de goede liede ghemeynlec / des Dorps van + der vere / willen en_ begheren / dat alle dese vors_ gheloften en_ vorwaerden / den vors_ Tidemanne / goet vaste ghestade / en_ wel ghehouden bliuen / Soe hebben wij den ghemeynen zeghel des dorps van + der vere / ane dese l_ren ghehanghen / Ghegheuen jnt jaer ons he_en als + men screef . M . + CCC . + Tachtentich en_ zesse / Opten yersten dach van September . .