Corpus Van Reenen-Mulder (CRM14): Oorkonde I081p30101

Wie . burghmesters / scepenen ende die ghemene port van Middelburgh Orconden ende Maken kont al + dien goenen die desen brief zien sullen iof horen lesen dat vor ons quam ver gheyle willem hozemonds wedewe porticghe in Midd_ / ghesonds liues wel bedochten harre redenen ende hars zinnes . ende gaf twe hofsteden ligghende in des Grauen strate . tote ser willem hozemonts capelrie mede te beterne ewelike staende . ende ligghen bin desen vieren ghemarken . des grauen hof leghet an die zuudzide . die strate lopet an die west~zide . dat huus dat die moele heet leghet an die nordzide . der vrouwen hof van vorne leghet an die oest~zide . Jn orkonden . Jn kennessen ende in ghedinkenessen van desen dinghen hebben wie / burgmesters ende scepenen vorseit / desen brief bezeghelt met den ghemenen zeghele van der port van Middelburgh . Dese brief was ghemaket in die Jare ons heren als men screef . duzent + . drie ondert en_ een . des dicendaghes na sinte agnieten dach .