Corpus Van Reenen-Mulder (CRM14): Oorkonde I081p31101

Jc willem s_ + boudijns sone van oester~zubburgh / Make cont met dezen openbaren letteren . allen den ghenen / die dezen brief sullen horen jof~te sien / dat ic hebbe vercocht / Ende vp~ghegheuen / Ende ewelike gheue / Met enen stroe vore sgrauen manne / den abt Ende den con_te in middelburgh / Een waghengheloep / dat ic helt van hem / Omme seuen pond groet_ turnaise ende een half / die mi alle vergouden sijn / ware / + o_me dat ic mi verbinde / ende mine arfnamen / daer of warant te sine vp al mijn goed / sonder enich loesheit / Jn orconden van dezen vorseiden coepe / Ende vorseide dinch / Jn ere eweliker ghedinkenessen so hebbic willem ser + boudijns sone vorseit / bezeghelt met minen zeghele / Ende hebbe ghebeden / ende bidden / heren symone ende janne mine broeders / jan jans van oest_~zubburgh / willem jans sone van den niewerue / jan heinrichs sone / Musschet clais sone zoetendale / den gardiaen van middelburgh / den commenduer van zandvorde / Ende den prioer van den augustine in middelburgh desen brief te bezeghelene met haren zeghelen wthanghende / met mi / Ende o_me~dat wi dit kennen / Ende wijs ghebeden sijn van willemme vornond / so hebben wi dezen brief met hem bezeghelt / met onzen zeghelen / die ghegheuen was in die jaer ons h_en / duzent + / drie + honderd + / Ende elue / vp sinte gertruden daghe in middelburgh . .