Corpus Van Reenen-Mulder (CRM14): Oorkonde I081p35801

Jan die portere ende griele aernoud porters dochter sijn suster Camen voer scepenen jn middelburgh ende gheloueden clayse die blaeuwere recht warent te wesene tote allen rechte van eenen huuse ende van eere hofstede staende ende ligghende in penninchoec binnen desen vieren ghemarken / die strate leghet an die oestzide ende an die westzide / wisse die vlascopere an die zuutzide / ende gheeraerd die deckere an die noordzide / dat hi clays vors_ ieghens janne ende grielen vornoemd ghecocht heeft . hier ouer waren / danyel willems sone / jacop ian boudins sons zone / hughe die gapere / domaes domaes iacops sons zone / en_ pieter ian cogghen zone / scepenen jn middelburgh ende dit orkonden zi . Dit was ghedaen jnt iaer ons h_en M˚ . + ccc˚ . + achte ende vichtich des donresdaghes na den nyewe~dach -