Corpus Van Reenen-Mulder (CRM14): Oorkonde I081p37601

Clays van west Cam vor scepenen jn middelburgh en_ verliede hem dies dat hi vercocht heeft bartelmeeus willems sone een sestiensten + deel van eenen huse en_ van eenre hofstede staende en_ ligghende jn die noertstrate daer boudijn ropen sone jn en_ vp woent binnen desen vieren ghemarken die strate leghet an die oestside gillis van lissenweghen arfnamen an die zuutside bartelmeeus vors_ an die westside en_ olaerd hughen sone leghet an die noertside en_ clays vors_ ghelouet bartelmeeus vorn_ dit vors_ goet te waerne toet allen rechten ende recht warent daer of te wesene vort so verliet hem clays vors_ dat hem bartelmeeus vorn_ wel betaelt heeft beyde den eersten penninc en_ den lesten van desen vors_ goede hier ouer waren willem clays vadden sone abbe sams sone Manne vriesen zone baselis willem blanck_ts sone piet_ piet_ hughen sons sone jan maertijns sone clays b_telmeeus sone gillis piet_s sone wolf_rd van der hoghen willem jan tymm_mans zone en_ heynric crabel scepenen in middelburgh dit orkonden zij dit was ghedaen jnt jaer ons he_en M˚ ccc˚ sesse en_ tseuentich des maendaghes na alre helighen dach