Corpus Van Reenen-Mulder (CRM14): Oorkonde I081p37801

Jan rose pieters sone Cam vor scepenen in middelburgh ende ghelouede boudine roopen sone recht warent te wesene tote allen rechte als van eenre Camere staende in sente symon juden straetkijn an die zuutside van der straten daer jan vorn_ nv ter tijt in woent dat boudin vorn_ ieghens janne vors_ ghecocht heuet . Vort verliet hem jan rose vorn_ dat boudijn roopen sone vors_ hem wel betaelt heuet beede den eersten pe_nijnc en_ den lesten van der vors_ camere . Hier ouer waren willem clays vadden sone manne vriesen sone jan m_tins sone Piet_ piet_ hughen sons sone / baselis willem blanck_ts sone jan clays musschets sons sone / gillis piet_s sone / clays b_telmeeus sone wolfaerd van der hoghen / heynric crabel . ende willem jan ty_mermans sone / Scepenen in middelb_ en_ dit orkonden zi . Dit was ghedaen int jaer ons he_en . M˚ . + CCC˚ . + achte en_ tseuentich vp den dortiensten dach in meye