Corpus Van Reenen-Mulder (CRM14): Oorkonde I081p37802

boudijn ropen sone Cam voer scepenen jn middelburgh en_ ghelouede baertelmeeus willems sone recht warent te wesene toet allen rechten van drie vierendeele van eenen huse en_ van drie vierendeele van eenre hofstede daer boudijn vors_ nv ter tijt jn en_ vp woent staende en_ ligghende jn die nortstrate binnen desen vieren ghem_ken die strate leghet an die oestside griele heynrics docht_ an die zuutside b_telmeeus vors_ an die westside en_ olaerd hughen sone leghet an die nortside dat b_telmeeus vorn_ jeghens boudijn vors_ ghecocht heeft Voert so verliet hem boudijn vors_ dat hem b_telmeeus vorn_ wel + betaelt heeft beyde den eersten penninc en_ den lesten van des_ vors_ huse en_ hofstede hier ouer waren willem clays vadden sone manne vriesen sone baselis willem blanck_ts sone piet_ piet_ hughen sons zone jan clays musschets sons zone clays baertelmeeus sone jan m_tijns sone wolf_rd van der hoghen en_ heynric crabel scepenen in middelburgh dit orkonden zij dit was ghedaen jnt jaer ons he_en M˚ CCC˚ achte en_ tseuentich des zat_daghes na sente louwereis dach