Corpus Van Reenen-Mulder (CRM14): Oorkonde I081p38101

jan meester hughen sone . kateline willem crapoens dochter ende le_mekin boudins sone vter caste Came_ voer scepenen in middelburgh ende gheloueden boudin boudins sone vter caste recht warent te wesene tot allen rechten als van eenen halfnen huuse staende vppe die wal daer scelwe gillis buuc nv ter tijt in woent dat es te wetene jan voerseit voer een vierendeel van desen vorscr_ huuse kateline ende le_mekin vorseit voer die ander drie vierendeele . welc vors_ half huus boudin vornoemt jeghens janne . katelinen ende le_mekin vorseit ghecocht heeft Vort verlien zi hem jan . kateline ende le_mekin vorseit dat hem boudin boudins sone vorn_ beyde den eersten penni_ck ende den lesten van desen vorscr_ huuse wel betaeld heeft hier ouer waren alaerd hughen sone Clays erenbouds sone pieter zoete mathijs hughe braems sone jan maertins sone jan spaen boudins sone gillis pieters sone wolfaerd van + der hoghen ende jan van brigda_me Scepenen in middelburgh ende dit orkonden zi Dit was ghedaen jnt jaer ons he_en M˚ CCC˚ een ende Tachtich vppe sente katelinen auont jn nouember