Corpus Van Reenen-Mulder (CRM14): Oorkonde I081p39601

Mathijs van + der loo prochiaen in + den cloost_ Cam voer scepen_ in middelb_gh en_ ghelouede jan clayse tser + wouters sone van nuwen~roeden Recht warent te wesene tot allen rechten van tween huusen staende vp die wal teen voer an die strate en_ tander daer bachten an met eenre poorten in te gane an die zuudzide van + der strate daer aechte corten in plach te wonen . dies so sal mathijs voers_ eene steene_ muure maken onder die oesene van siinre scuure die ander + halue roede hoech wesen sal wulke voerscr_ huusinghe ian clays voerseit ieghen mathise voern_ ghecocht heuet En_ mathijs voerscr_ verliet hem dies dat jan clays voern_ hem wel betaelt heuet beede den eersten penninc en_ den lesten van desen voerscr_ huusen Hier ouer waren heynric crabel vranke heynrix sone jacob panneman pauwels piet_ brantins sone jan spaen ians sone jan die scriu_e heynric b_telmeeus sone pieter heynrix sone heynric van abbenbroke jan doomsdach heynric valke en_ clays ians sone scepen_ in middelb_gh en_ dit orkonden zij Dit was ghedaen jnt iaer ons heeren M˚ . + CCC˚ . + zesse en_ tneghentich vp + den achtsten dach in aprille