Corpus Van Reenen-Mulder (CRM14): Oorkonde I081p40001

Franse ians sone ende clare witten dochter siin wijf prochiaen in + den cloester Camen vor scepen_ in middelb_gh ende verlieden hem dies dat si ghegheuen hebben yeghelic die een den anderen een huus staende in + ts + h_ren strate van voorne an die oostzide van + der strate daer clare vors_ nv ter tijt in woent . jn deser manieren . so wie langst leeft van fransen en_ claren vorn_ die sal dit vorsc_ huus vrilike besitten en_ ghebruken sonder yemends wedersegghen Ende na haerre twier laetster doot vorsc_ weder te comene hare twier vorsc_ rechte arfnamen diet metten rechte sculdich siin te hebbene . Vort so gheeft franse vorn_ claren vors_ alle renten en_ bate die van desen vors_ huse comen moghen also langhe als clare vorscr_ leuen sal in rechten vrien eeghendomme . Hier ouer waren heynr_ crabel vranke heynrix sone Pauwels piet_ brantins sone boudin ians sone Piet_ martins sone hildebrant vaenkin witman clays sone Piet_ heynrix sone heynric van abbenbroke heynric valke clays ians sone godeuaert van spreewe_steyne en_ michiel van nyewerue scepen_ in middelburgh en_ dit orkonden zij Dit was ghedaen jnt iaer ons he_en M˚ . + ende vier + hondert vpten zeuensten dach in julio