Corpus Van Reenen-Mulder (CRM14): Oorkonde I082a38801

aechte michiels Cam voer scepenen jn westerzubburch En_ ghelouede woutren jans sone recht warent te wesene tote allen rechte van drien vierendeelen ghemets lands en_ twee roeden + liggende jn westerzubb_ ambacht aen den Ouden wech binnen desen vieren ghemarken jan pieter sone leget aen die oest~zijde den heer~wech aen die zwt~zijde wouter jans sone voern_ leget aen die west~zijde Die helege geest van westerzubburch leget aen die noort~zijde welc voernoemde land hi wouter jans sone voern_ jegens aechte michiels ghechocht heuet en_ wel betaelt heuet den eersten penninc en_ den lesten van deser voernoemder aruen . Hier Ouer waren pieter pieter wouter sone Clays heynrijc sone heynrijc clays sone . willem hughe sone pauwels jans sone pieter boudins sone van den weele En_ willem jacobs sone Cuer~scepenen jn westerzubburch en_ dit Oerconden zij Jn Oerconden en_ in kennessen der waerheyden soe hebben wij scepenen voern_ desen brief bezegelt met Onsen zeghelen Dit was ghedaen int tjaer Ons he_en M CCC˚ achte en_ tachtich vp sente andries dach