Corpus Van Reenen-Mulder (CRM14): Oorkonde I082a39501

Wij willem hughen sone willem michiels sone heinric clais sone pieter boudins sone van + den wele pauwels jans sone jan pieters sone en_ jan jans sone kuerscepene jn westerzubburgh kennen dat voer ons quam aernoud jans sone en_ ghelouede wouter jans sone Recht warent te wesene tot allen rechten van tween ghemeten lands lichtelic min of meer ligghende in westerzubb_ ambocht binnen desen vieren ghemerken een heerwech leghet an + die oest~zide Jan dankerts sone an + die zuut~zide . hughe pieters sone an + die west~zide en_ Reymer alaerds sone an + die noort~zide Dat wout_ voern_ ghecoft heeft tieghens aernoud voerscr_ en_ aernoud voern_ verliet hem dies dat hem wout_ voerscr_ wel betaelt heeft beide den eersten penninc en_ den lesten van + den voers_ lande Jn kennesse der waerheiden so hebben wj kuerscepene voers_ desen brief bezeghelt met onsen zeghelen Dit was ghedaen jnt Jaer ons h_en M CCC . + viue en_ tneghentich . opten elften dach in zelle