Corpus Van Reenen-Mulder (CRM14): Oorkonde I082a39601

Wj heinric clais sone pieter boudins sone van + den wele pauwels jans sone . jan pieters sone willem jans sone en_ pauwels hughen sone kuerscepene jn westerzubburgh kenne_ dat voer ons quam willem jans sone en_ ghelouede wouter jans sone Recht warent te wesene tote allen rechten van vier en_ twintich roeden lands ligghende in west_zubburgh ambocht binne_ desen vieren ghemerken pieter hughen sone leghet an + die oest~zide zuut~zide en_ west~zide en_ willem hughen sone an + die noert~zide Dat wout_ voern_ ghecoft heeft tieghens willem voers_ en_ willem voern_ verliet hem dies dat hem wout_ voerscr_ wel betaelt heeft beide den eersten penninc en_ den lesten van + de_ voers_ lande Jn kennesse der waerheiden so hebben wj kuerscepene voern_ desen brief bezeghelt met onsen zeghelen Dit was ghedaen jnt jaer ons h_en M . + CCC . + zes en_ tneghentich opten viue en_ twintichsten dach in zelle .