Corpus Van Reenen-Mulder (CRM14): Oorkonde I082a39701

Wj heinric clais sone pieter boudins sone van + den wele pauwels jans sone jan pieters sone willem jans sone pauwels hughen sone en_ willem jacobs sone kuerscepene jn westerzubburgh kennen dat voer ons quam willem jans sone vten moere en_ ghelouede wouter jans sone Recht warent te wesene tote allen rechten van neghen vierendeel ghemeets lands en_ acht en_ tsestich roeden lands ligghende in westerzubburgh ambocht in tween sticken dat een stic is groot een ghemet lands en_ vier en_ tseuentich roeden lands en_ leghet binne_ desen vieren ghemerken een waterganc leghet an + die oest~zide en_ an + die zuut~zide aechte van + der hayman an + die west~zide en_ aernoud heinrix sone an + die noert~zide Dat ander stic is groot een ghemet lands en_ neghen en_ tsestich roeden lands en_ leghet binnen desen vieren ghemerken jan dordehalf~voet leghet an + die ?~zide een heer~wech an + die zuut~zide en_ pieter jan piet_s sons sone an + die west~zide en_ an + die noert~zide Dat wout_ voern_ ? heeft tieghens willem voerscr_ En_ willem voern_ verliet hem dies dat hem wout_ voerscr_ wel betaelt heeft beide den eersten penninc en_ den lesten van + den voers_ lande jn kennesse der waerheiden so hebben wj kuerscepene voern_ desen brief bezeghelt mit onsen zeghelen Dit was ghedaen jnt jaer ons h_en M . + CCC . + zeuen en_ tneghentich opten vier en_ twintichsten dach in zelle .