Corpus Van Reenen-Mulder (CRM14): Oorkonde I082a39901

Wj heinric clais sone pieter boudins sone van + den wele pauwels jans sone jan pieters sone willem jans sone pauwels hughen sone en_ willem jacobs sone kuerscepene jn westerzubburgh kennen dat voer ons quam jan pieter heynrix sons sone voerscr_ en_ ghelouede wouter jans sone Recht warent te wesene tote alle_ rechten van enen ghemete lands viue en_ twintich roeden min ligghende int ambocht van westerzubburgh binnen desen vieren ghem_ken pieter boudins sone voerscr_ leghet an + die oest~zide kaline jan dansers wedewe an + die zuut~zide jan pauwels sone an + die west~zide en_ jan dankerts sone an + die noert~zide Dat wout_ voern_ ghecoft heeft tieghens jan voerscr_ en_ jan voern_ verliet hem dies dat hem wout_ voerscr_ wel betaelt heeft beide den eersten penninc en_ den lesten van + den voers_ lande Jn kennesse der waerheiden so hebben wj kuerscepene voerscr_ desen brief bezeghelt met onsen zeghelen Dit was ghedaen jnt jaer ons h_en M . + CCC . + neghen en_ tneghentich opten vierden dach in Meye