Corpus Van Reenen-Mulder (CRM14): Oorkonde I122p32001

Wij Langhe Christiaen , Bouden Goeliaes , Jan Coene , Boudsoete Gillis soene ende Wouter Spierinc , scepenen in Lammins~vliete , doen te wetene allen den ghoenen die dese lettren zullen zien of horen lesen dat quamen voer ons alse voer scepenen Lamsijn van Maerkeem ende Felissie , sijn wettenlike wijf , ende ghaven up in wettenliker ghiften Boudene van + der Wiit de rechte eltscede van + den huus ende van + der haervachticheden die + re toe + behoert , dit~welke voerseide huus dat staet binnen der kuere ende binnen scependomme van Lammins~vliete voerseit , staende an + de westsiide van + der Wullestrate , tusschen Jacop Jacops + soene Riquaerds + soens , alrenaest an + de eene siide ende siire stiefkinder huze , ende Haernoud Aghelins huuze alrenast an + de ander siide . Dese~welke heltscede van desen voerseiden huze ende van + der haervachticheden die + re toe + behoert sij hem alle beede wedden ende gheloveden te wetten te waerne met sesse scelighen ende hachte penighen parisiizen die + re jaerliics up staen te rechten landseinse . Ende met een ende twintich penighen parisiizen die + re jaerliics een kapelaen up hevet aervelker renten van + den Damme hier + mede vrij ende quite te waerne ende tgheghen elken meinsche onghekalanghiert sonder henighe fraude of malenghien . In kennessen van deser dinc da sij bliven zeker , vast ende ghestade , soe hebben wij scepenen voerseit dese lettren beseghelt met onsen zeghelen huut~hanghende . Dit was ghedaen int jaer ons Heren doe + men scref sijn incaernation M . + CCC . + ende twintich , smaendaghes na sinte Andries daghe .