Corpus Van Reenen-Mulder (CRM14): Oorkonde I125p31601

Wj jhan blondeel Martin van den stene ; henric babbaerd . pieter van dutsele . Ende pieter keyaer? scepenen in ardenburgh doen te wetene allen den ghenen die dese lettren sullen zien of horen les? dat quam vor ons als vor scepenen joncvrouwe yde beidins meniers dochter die begghine ende gaf wettelike ghifte joncvrouwe gheilen volponds en_ joncvrouwe grielen meniers ten ghemenen chore behoef van den scolieren van den begghinen in ardenburgh van viertich peneghen tsiaers aerueliker en_ jaerliker renten ligghende ter oesthee an die noord~side van der straten in die ofstede daer jan vriesen zone up woend + . En_ van viertich peneghe_ tsiaers aerueliker en_ jaerliker renten ligghende in die naeste ofstede behoestalf daer hughe breuwe up woend . Ende dese vornoemde joncvrouwe yde beidins meniers dochter ghelouede joncvrouwe gheilen volponds en_ joncvrouwe griele meniers ten ghemenen chore behoef van den scolieren vornoemd dese vornoemde aeruelike en_ jaerlike rente te wette te waerne jeghen elken mensche vri en_ quite tsghemeens choors boef vornoemd vrien eghindoeme . jn kennessen van deser dinc hebben wi scepenen vornoemd desen saertre ghezeghelt met onsen zeghelen huuthanghende . Dit was ghedaen jnt jaer ons heren als men screef . dusentich drie + hondert en_ zesthiene uppe der heligher crucendaghe der daghe meys . ~ ~