Corpus Van Reenen-Mulder (CRM14): Oorkonde I125p38901

JC wouter bader?n Ende Jacop de Cupere s_ Jans Scepenen in ardenburgh kennen dat Cam v?or ons alse voor Scepen_ Joris aelric als Burghmeester van den Course binnen der stede van ardenburgh in die? tiden Ende van der vors_ stede weghe Ende leedde ons vors_ scepen_ ende den wettelike scoutate met hem an die vaert te eene_ huus dat wilen eer toebehoorde Jan van der voorde ende sinen wetteliken wiue in haerlieder laetste lijf alre~naest der boongaerd~strate of een zide Ende der stede wech of ander side Ende al~daer so dede die voors_ Joris a?lric als Burghmeest_ van den Course binnen der stede van ardenburgh wettelike panden vp die aeldinghers van Jan v?n der voorde en_ van zijne_ wetteliken wiue dat voors_ huus ter stede bouf met al datter toebehoort van voren toter belten Ende aertvast Ende nagheluast an ende vp es al ouer vijf pond groter tornoyse die Jan van der voorde ende zijn wettelike wijf sculdich bleue_ der stede tenden haerlieder doot Ende ouer twe sceleghe paris_ van pandinghen waer of dat die wettelike scoutate machtich makede te Jnne Ende al~daer so betoghede Joris aelric als Burghmeest_ van den Course in dien tiden ons voors_ scepen_ dat hij t panden ghenouch en adde ende dat hi neghene pande van dane en drouch sonder fraude Jof malengien Jn kennessen der ?eden so hebben wij scepen_ voors_ des? saertre huuthanghende bezeghelt met onsen zeglen dit was ghedaen Jnt Jae? ? heeren als men screef dusentich drie hondert neghene ende tachtentich ? den virtiensten dach in hoymaent