Corpus Van Reenen-Mulder (CRM14): Oorkonde I125p39601

Kenlic zij allen lieden Dat Jc Claus van der baerle considere_ende de grote destructie ende aermoede van der steden van Ardemburg ende daer toe merkende de zware scult daer + mede zoe al_~zeere verzwaert ende ghelast es / begheerende de Reparacie ende Releuacie van haer ebbe ghelooft ende bi desen presenten gheloue haer te latene ontstane met mj te betaelne derthienne scellinghen ende viere pe_ninghe_ grote_ tornoysen ouer elc pond grote van vieren die jc jaerlix effe te mine_ liue vp de vorseide stede te viere termine_ also langhe als jc leue / Ooc mede sceldic quite der vorseider steden ende alle andere wient ancleuen magh / als van al der achterstellen die me_ mj van de_ vorseiden viere ponde_ groten miere lijfrente_ verachtert ende sculdich mach ziin toten daghe van heden Ende dat Mids drie ponden groten die jc van der vors_ stede ontfanghe_ ebbe alsoot wel blijct bi Eere quitance_ onder Mine_ zeghel der af ghegheue_ Ende jnt Caes daer de vorseide stede mj niet en betaelde noch en vernouchde van derthienne scellinghe_ en_ viere pe_ninghe_ groten telken termine van de_ vieren siaers Eenich van dien t_mine_ zond_ betale_ verzittende ende daer na daer in gheduerde jaer ende dagh / Dat Danne de vorseide voorwaerden ende gheloftuchte_ al te nieute zulle_ ziin ende quite / ende jc zal bliue_ vp Mine eerste verbande ontfanghende vor tpond grote twintich scellinghe_ groten na der vorme_ ende thinhoude_ van Minen principalen brieue Ende voort dat danne ooc mede de vorseide stede zal ghehoude_ ziin jn mj te betaelne al de achterstelle die jc voren quite ghescolde_ ebbe / afslaende ende debate_ende tgheent dat jc van miere vorseiden achterstelle_ ontfanghe_ ebbe bi quitancen ond_ Mine_ zeghel ghegheue_ Ende es wel ondersproke_ dat waert dat zake dat de vorseide stede bi forchen van orloghen van beroerten of van andren zaken veraermet werde ende ?ghe bleue_ staende ghelijc tandren tide_ gheweist eis? / ende bi dien occuzoene de vorseide stede niemene en betaelde / nochtanne zo zal de vorseide vorwaerde bliue_ in viguere en_ van waerde_ en_ ooc mede jc zal ebben quiteghescolde_ alle Mine vors_ achterstelle in d_ Mani_en vore_ verclaerst ende gheuielt dat + me_ te dien tide_ yemene betaelde van de_ sculdenaers dat de stede ghehoude_ zal ziin mj mij te betaelne also wel ende zo vriendelike als andre_ zonder fraude ende Malengien Jn oorcondscepen der waerheden zo ebbic Claus van der baerle vorenghenoomt dese l_ren vuthanghende gheseghelt met Minen propre_ zeghele Dit was ghedaen jnt jaer ons h_en als + men screef dusentich drie hondert zesse ende neghentich vp den zeuenthiensten dagh van den houxte