Corpus Van Reenen-Mulder (CRM14): Oorkonde I125p39801

Kenlic zij allen lieden hoe dat eene voorw_de ende besprec ghema?ct es / als van eene_ engiene van ee_ huurclocke te makene binne_ der stede_ va_ ardemburgh tusschen joris aelrike ende han lennote burghmeist_s der stede_ van ardemburgh en_ jn de name van der zelu_ stede of een zide ende Jan draken en_ jan van colloc meesters van huurclocke_ of and_ zide / welke voorw_de ende besprec es in des_ mani_en dat de vors_ jan drake en_ jan van colloc zulle_ make_ een engien van Eere huurclocke vp de salueclocke die hanghet vp den noordre_ tor van onser vrauwe_ kerke binne_ der vors_ stede / Dat engien also groot goed scone en_ zo zwaer weghende als tengien dat niewinghe ghemaect es vp de huurclocke t_ sluus / en_ dit vors_ engien zulle_ jan drake en_ jan van colloc vors_ maken altemale van ysere wel ende suffisantelike dat het ghemaect zij gaende staende slaende en_ vulwracht tusschen dit en_ sinxchen eerst co_mende / ende es ondersproken bi recht_ voerwaerde_ dat de vors_ burghmeist_s jn de name van der vors_ stede zulle_ teluire_en en_ gheue_ vp der stede_ cost / al thout + inw_t lood coorden / verwe / ende alle andre mat_ie behorende ten vors_ engiene / vutghedaen yser en_ yserwerc / dat teluire_en zulle_ thare_ coste jan drake ende jan van colloc vorscreue_ / en_ van desen wercke van dese_ engiene zullen de vors_ twee meest_s thoude huurcloxkin dat staet in de kerke vors_ hebbe_ / ende de so_me van neghen ponde_ groten vlaemsscher munte_ / bi also dat zij den wisere maken staende in de kerke / nemaer daer zij de_ wisere bute_ make_ zij ne zulle_ maer hebbe_ achte ponde_ en_ thien scellinghen groten mette_ vors_ houden huurcloxkine / van welke_ ghelde de vors_ meest_s hebben ontfaen viere ponde_ groten en_ tremanant van de_ ghelde zulle_ zij heffen als twerc wel en_ suffisantelike vulco_men es zond_ fraude en_ malengien e_m__ goede_ zeker zettende der vors_ stede van vijf pond groten ou_ de vors_ vier pond groten / welke vijf ponde_ men vp heml_ en_ hare borghe_ halen zal t_ vors_ steden bouf bi also dat zij twerc niet en vulco_men tusschen dit en_ sinxche_ also vors_ es / Dit was ghedaen jnt jaer ons he_en M . + CCC zeuene en_ neghentich vp de_ thienste_ dagh van Spaercle