Corpus Van Reenen-Mulder (CRM14): Oorkonde I154p35301

WJ jan van lanscod / Roelf de quink_e / Carstiaen f_ lamb_x f_ boyds / Pieter Ryquaerd En_ Jan die smed scepene_ Jn maldeghem Jn dien tyden als dese dinghen ware_ ghedaen doen te wetene allen den ghoe? die dese letteren sullen sien of hore_ lesen dat quame_ vor ons als vor scepene_ vors_ philips f_ heynric f_ gherards en_ machtild sijn wettelijc wijf En_ kateline die weduwe jan makeries En_ jan en_ kateline . die kindere jan makeries En_ gaue_ wettelike ghifte janne over de E van sesen ghemete_ lands en_ een alf lichtelike min of meer met eene_ huze en_ . eenen alue_ teghelhoue_ en_ met allen den bome_ en_ met al dat vp dit vorseyde land es haerdvast en_ naghelvast beede staende en_ ligghende binnen den ambochte van maldeghem en_ binnens der prochie van hoedelem namelike teenre stede dat men heet te coolne an die westzijde van dier strate_ die weduwe en_ die kindere jan f_ gherards f_ wille_ f_ v_ janen sijn gheland an die nordzijde en_ die kindere ser ghiselins clercs an die suudzijde En_ aldaer so ghinchens philips en_ machtild sijn wijf vors_ kateline die weduwe jan makeries vors_ die ghinchens van al desen vorseyden lande huus houe_ en_ bome_ wettelike te bute_ en_ jan houer de E vors_ die ghincs wettelike te binnen En_ sij weddent hem te wette te waerne vry en_ quite jeghen helken meensce over sijn vry heeghin goed met hact + scelgen parizijsen syaers gheldende ghidolue van beuerhoute en_ met vier penen par_ syaers gheldene mine_ he_e van maldeghe_ En_ al~daer so quam jan over de E vors_ en_ gaf al dit vorseyde land huus oven en_ bome_ weder teenne_ haerveliken seynse kateline_ der weduwe jan makeries en_ janne en_ kateline_ den kindere_ jan makeries vors_ omme ses + en + dartich groter tornoyze_ syaers Clakeloos wech~draghens boue_ al datter hute gaed gheldende janne over de E te sente bamesse heerst comende En_ also vord van yare te yare heewelike en_ haervelike ghedurende Jn kennessen der wareden so ebben wy scepene_ vors_ dese lettere_ gheseghelt huuta_ghende met onsen seghele_ dit was ghedaen jnt yaer ons he_en als + me_ screef dusentich drie ondert tuee en_ vichtich vp den dartiensten dach van jngaende maerte -