Corpus Van Reenen-Mulder (CRM14): Oorkonde I218p33501

Wi jan coudweder En_ jan de Rese / scepenen in de Poert van Rupelmonde maken cont allen den ghene_ die dese lett_en zelen sien en_ horen lesen dat vor ons te Rupelmonde quame_ in propren persone_ ver adelise die men heet tsher + laureys / En_ jonfrouwe heylsoete die men heet van den briele hare nichte / En_ hebben bekent / en_ opghedregehen te pitantien tscouents behoef van zente bernaerds stede van + der ordenen van Cystians int bisdoem van Camerike neghene scellinghe parysise erfleker renten / elcs jaers te sente Jants misse in midden~zomere te verghildene op huys en_ hofstat dat wout_e van axele es houdende en_ in sittende dat gheleghen es zuudwerdt tusschen betten hofmants en_ oestwert aerds van scoenbrueke / op den vliet van Rupelmonde jn die~welke neghene scellinghe vorseght / es inghedaen / en_ ingheerft her Jan dinghelsche monec en_ onderkelwerder van zente bernaerds stede vorghenoemt tscouents behoef vorseght . na die costume van den lande ne~gheen poent achter~ghelaten . dat daer toe sculdech was te ghesciene mette_ rechte . Jn kennissen van welken dinghen / om bede ver adelisen / en_ joncfrouwen heylsoeten vorghenoemt / want Si erfleke ghifte den heylenghen gheest van Rupelmonde hebben bekent En_ oec der kerken van + der zeluer poert vijf ghemete lants opghedreghen / de~welke bi den houtackere lighen / So hebben wi scepenen vorseght onse zeghele ghehanghen ane dese lett_en Die ghegheue_ waren Jnt Jaer ons heren doen men screef dusentech drie + hondert / + en_ viue en_ dertech op sente bauen dach -