Corpus Van Reenen-Mulder (CRM14): Oorkonde I222p32301

Alle de ghene die dese lettren zelen sien ofte horen lesen / Gruete wi Scepenen ghemeinleke van Ruusbroec Ende doen hem cont dat vore ons v_liede willoy die moeln_e dat hi heft v_cocht om een su_me van ghelde die hem volcomeleke v_gouden es / janne van Cardewijc tien scellinghe tsaers Payments van Brabant erfleken staende den seluen janne ofte den houd_e van desen lettren / alle jare te kersauonde te gheldene / op drie halue hoenen ligghende in een ghewijnt in den beemt neuen willems manselaers bloc t_ sonnen weert / die jans sijn heinrics voren lilien ende sijn onbeco_mert van allen cheyse en_ van allen Pachte / sonder van Heren cheyse gelik_ wijs dat se di v_ghenoemde willoy hijr voermaels daer op ghecreegt en_ cochte / Ende in dese v_sede tien scellinghe tsaers es in ghedaen en_ in gheerft / die vore~sede jan van Cardewijc / met maennessen van den rechtre en_ met onsen wijsdome / ende es daer toe al dat ghesciet / dat daer toe sculdech was te ghesciene metten rechte . Jn orconden van welken dinghen / soe heb wi onsen ghemeynen zeghel van onsen Scependome / ghehanghen aenne dese lettren / Die waren ghescreuen / jnt jaer ons Heren / do men screef / Duse_tech / + drie + hondert en_ dri + en tuintech des sondaghes vore Senter Claes dach . - . - . -