Corpus Van Reenen-Mulder (CRM14): Oorkonde I222p33601

Wj scepene_ van Ruusbroech ghemeinleke make_ Cont En_ kinleke allen den ghene_ die dese lett_en zien zelen en hoeren lesen dat come_ es vore ons jn p_p__en p_sone / jan steilaert van Ruusbroech / en_ kinde en_ lijde dat hi vercocht heft wittelech en_ Redenlech / sesse oude groete tornoyse van des conincs Mu_te van vra_kerike goet en_ gherecht Erfeleke en_ emm_meer staende ochte de werde daer af in and_en goeden payme_te alle jare te gheuene en_ te ghildene talle_ kersauonde_ janne gheheten van cardewijch van Ruusbroech ochte den brengh_e van deser lett_en welken vorghenoe_den Erfeleken Cheins jan steilaert vorghenoemt heef bezet en_ bewijst ghelijch dat en vonnesse wijsde op sine neghene hont lants winnens lants die gheleghen sijn jn cortevile neven oeden smoers tenden kateline_ scurres lande behoudeleke ieghewelke_ sine Rechte / va_ dien datt_e sculdech es vore vte te gane / waer + bi dat jan steilaert vorghenoemt hier toe heeft ghedaen te jan van Cardewijch behoef vorghenoe_t ochte sgheens die dese lett_en brachte alle dat dat hiere sculdech was toe te doene met mae_nessen des rechters die + re sculdech op was te mae_ne en_ bi wijsdome van ons scepene_ vorghenoe_t van Ruusbroech ghemeinlech / En_ ware dat sake dat janne van cardewijch vorghenoe_t ochte den brengh_e van deser lett_en iet ghebrake alse van dien vorghenoe_den erfeleke_ Cheinse ten vorghenoe_den daghen Soe souden si hare hant moghen slaen ane hare_ vorghenoe_de_ bewijsden pant jn alle diere maniere_ ghelijch dat en vonnesse wijsen soude / En_ o_me~dat wj scepene_ van Ruusbroech vorghenoemt ghemeinlech hier ou_ en_ mede ware_ daer alle dese dinghen sijn ghesciet / jn alle diere maniere_ alse daer vore bescreue_ es Soe hebben wj dese lett_en bezeghelt met onsen ghemeinen zeghele jn kinnessen der waerheit / Dit was ghedaen jnt jaer ons heren doe men screef . M . + ccc . + En_ sess + en + dertech / op alder apostelen dach .