Corpus Van Reenen-Mulder (CRM14): Oorkonde I222p36601

Wij Scepenen van Ruusbroech ghemeinlec / Maken cont allen lieden / dat vore ons comen es Henrijc Rapaert / lide en_ ke_de dat hi ghenome_ heeft jeghen den onderkelderw_d__e van sente B_nards stede van + der ordene_ van Cystians wonende jnt Dbisdoem van Camerike / een stucke lands alsoe alst gheleghen es acht_ sinen hof / streckende toten naesten sloete erfelec en_ e_m__meer elcs jaers omme sesse oude g_te tornoyse / van Sconincs munten van vrankerike / ochte de w_de daer na jn goeden and_en ghelde / te ghildene en_ te betalene va_ den voers_ henrike ochte van sinen nacomelinghe / den voergh_ onderkeld_werd__e van sente B_nards altoes te elken k_sauonde En_ hier vore heeft de voers_ henrijc gheset te gherechten onderpande tvoerghenoemde stucke lands / en_ daer toe een stucke lands daer neue_ gheleghe_ dat hem toe~behoert / En_ hier mede sal de voers_ henrijc hebben sijn op~varen en_ sijn af~varen te desen voers_ lande alsoe langhe alse hi jaerlijcs wale betalen sal / ware oec soe dat hi henrijc voers_ in enighen ghebreke ware van ghildene de voers_ sesse oude g_te jaerlijcs te_ voerghenoemden daghe ofte sine nacomelinghe / in eneghen deele ofte in al / en_ niet volcomelec ghenoech en dade den voers_ onderkeld_w__d__e soe es te wetene dat de onderkelderw_d__e voers_ ofte sine stede~houdende / sine hant sal moghen slaen en_ aenverden den voers_ o_d__pant gheheellijc en_ al ghelijc een vonnesse wisen soude sonder yemens wedersegghen / En_ hier toe es ghesciet al datt_ metten vonnesse en_ metten rechte sculdech toe was te ghesciene na de vsagie van + den lande / en_ negheen poent van rechte acht_~ghelaten / jn kennessen der waerheit soe hebben wij scepenen voers_ desen brief bezeghelt met onsen ghemeine zeghele jnt jaer ons h_en als + me_ screef Dusentech / + Drie + hondert / + Tsestech en_ sesse Op sente Bauen dach