Corpus Van Reenen-Mulder (CRM14): Oorkonde I241p31301

Kenlijc Sij hem allen die nu Siin . en_ hier + na comen sullen . dat joncfr_ cateline S_ willem dularts docht_ was . en_ goessin va_ massemijnste?e har wettelike man v_cochten en_ droughen vp jn allen heygindu_me . de begaerden jn ghent . die wonen an de santpoerte . al dat recht dat Sij adden an twe ofsteden met allen den ghelaghen diere toe boeren . die lighhen an de scabrugghe daer luger va_ vinderoute twe huse vp heuet staende . dwelke recht rent . liij . S_ par_ tsiaers . en_ al dat recht dat Sij adden an eene ofstede met allen den ghelaghen diere toe + boer_ . die leghet an de mere . daer jan va_ dankart (onleesbaar) een hws vp heuet . dwelke recht rent . viij . S_ . par_ tsiaers . en_ sij waerpens en_ ginghens hute . en_ dader toe met ande en_ met monde al dat Sij sculdech war_ te doene na de wet va_ der poort omme hem dar of tontheruene . en_ de begaerde voerseit te heruene . en_ sij kenden en_ sij lijden . dat Sij wel en_ wettelike vergolden Siin va_ al . en_ de begaerde voerseit beualen hem de waerscepe . en_ sij ontfinghen + se en_ gheloefden + se alse recht . na de wet va_ der poert . hier ou_ war_ gheroupen jn orconscepen alse heruachteghe liede jn ghent . ghisebrecht p?llein . en_ jan va_ louendeghem . Dit was ghedaen jnt jaer ons heren als + men screef . M . + ccc . + en_ dertiene Sfrindaghes na Sente martins + dach jn den winter .