Corpus Van Reenen-Mulder (CRM14): Oorkonde I241p32301

Wij jan masch jan jnghel Ghelnoet de Amman en_ onse gesellen Scepenen jn ghent d?n te wetene allen den ghenen die nu sijn ende hier na wesen sullen dat wij gheuen Annekine bodemans kint te eenen herueliken tsiinse eene hofstede ligghende up de houe neghentiene Roeden lang lettel min / ofte me?r / omme drie scheleghe en_ sesse peneghe paris_ tsiaers / te gheldene te elken sente bamesse / behauden den goede? weghe / en_ den waterganc te haluen bodeme van der houe de~welke hi hauden moet souffissantelike up sinen cost Ende behauden dien . dat de visscherien bliuen der stede van ghent Jn kenlicheiden van desen dinghen so hebben wij dese lettren beseghelt metten cont_segle van der stede van ghent voerseit / die waren ghegheuen jnt jaer ons heeren doe men screef dusentech drie + hondert en_ drie ende twintich jn sente maer_ daghe Ewangelist /