Corpus Van Reenen-Mulder (CRM14): Oorkonde I241p32601

het si cont hem allen die nu sijn en_ hier na wesen sullen dat lievijn van astine prouisere over sente jacops huus heft gecocht . vi . grote tornoyse sjaers euwelike duierende tsente iacops huus bouf iegen ianne den iagere en_ marien stevins sinen wiue vp een huus en_ vp de hofstede dat staet naest huge boels ter muden waert vp beouden der kerken van sente verelden haer recht om ene somme va_ ghelde die hem wel betaelt es . hier over was der gosijn va_ dacnam alse lanthere van der kerken van sente verelden En_ d_ aernoud dobbelerre en_ d_ diederic heins sone En_ d_ gillis van nevele en_ ian va_ wachtbeke alse late . Dit was gedaen jnt jaer ons heeren . M . + ccc . + en_ . + xxvi vp sente vintcensis avont