Corpus Van Reenen-Mulder (CRM14): Oorkonde I241p32801

Ane alle de ghene die dese lett_en zullen sien of horen lezen . . heerem bi den ghedoeghe ons h_en . . abt van den Cloestre van sente baefs van ghend en_ alt Conuent van der seluer stede van sente benedicti? ordene van den biscopdo_me van dornike . salut in onsen heere / met kennessen va_ waerheden / weten alle / dat wi ouer ons / en_ in den name van ons / en_ van onsen vors_ cloestre / en_ van onsen na~co_mers / ebben gheottroijert / en_ ghegheuen Eracht_ lieden en_ vroeden / onsen lieuen en_ gheminden vrienden in gode / thomase van varnewijc en_ sinen ghesellen . scepene_ van der stede van ghend . ter stede bouf vorseid twee bunre mersschen ligghende teere stede die men heet ouer~reke / o_me quareele te doen makene van der erden die men nemen en_ deluen Sal vten vornoemden merssche . mids alsulken vorwarden / en_ Conditien alse hier naer volghen ghescreuen . Dats te verstane . dat wi Sin sculd_ te hebbene / en_ zullen ebben den Neghenden quareel / van allen den quareelen / die men deluen en_ maken Sal va_ der vorseider merssche . En_ telken dat een ? sal sin . So moeten si onse deel van den vors_ quareelen / doen doen vten h?uene . en_ doen + se d_ an setten teene_ hope ghelijc den haren vp der stede cost vorseit / Vort So sin si alle de pitten daer men de erde nemen / en_ deluen sal ten quareelen bouf sculd_ wel en_ Soffissantelike te doen slechtene elx jaers vp den cost van der vorseider stede / En_ ware dat zake dat gheuiele vp eenich jaer . dat si van diere vorseid_ merssche gheene quareele en daden maken / no deluen / of dat siere min daden maken . So dat dan onse deel min werd ware dan sesse pond par_ . So sin si ons sculd_ te gheldene / en_ te betaelne sesse pond par_ / ouer tRecht van den neghenden quareele . En_ alsoe van elken iare daer si niet in werken en daden . alsoet vors_ es . Vort ebbe wi ghegheuen den vornoemden Scepene_ / ter stede bouf vors_ een half bunre merschs ligghende neffens den vors_ tween bunren te loyalen pachte / durende alse langhe alse men in de zelue twee bunre mersschen sal deluen . o_me dertech Scell_ par_ elx iaers . En_ in dat half bunre merschs / ne zullen si niet moghen doen deluen . ne waer si moghen + re haren h?uen vp doen maken / en_ hare werc der vp doen ghereeden van den quareelen en_ els niet . En_ alsi ne_meer ne doen deluen / no quareele ne doen maken / So zullen de h?uene daer men de quareele in ghehadt heeft / en_ de mersch vors_ bliuen en_ behoeren ons vry en_ paysiuelike alse onse p_pre h_ue / En_ datt_ de stede van ghend dan vortwaert meer gheen recht ane hebben ne mach / no sculd_ ne sin te hebbene . jn orconscepen van welken dinghen ebbe wi dese l_ren bezeghelt met onsen zeglen . de rasure daer men seght stede approb_en wij . Dit was ghedaen int jaer ons h_en als men screef . M . + ccc . + en_ achte en_ twintech sdonredags naer belokenen paeschen