Corpus Van Reenen-Mulder (CRM14): Oorkonde I241p33101

Het Sij cont ende kenlijc allen den ghenen die nu sijn en_ hier nae wesen zullen . . Dat der fransoys pijl capl~laen in sente jacobs huus up de Mude heeft jaerliker rente_ ziere capelrien toe~beorende . xx . s_ par_ up een huus en_ alle de h_uachtechede diere toe beoord_ van voren ? st_ten tote bachte_ / dat wille_ was Goessins van dackenam en_ nu audende es jan curthals . de~welke h_ue men houd van min h_e heinr_ b_me Ende o_me~dat de vors_ h_uachtechede ghearghert ende gheminct was van goess_ vors_ / Soe es co_men joncvrouwe kateline sraeds jacop srads dochter was de~welke hoyr was van + den h_e goessine vors_ / en_ heeft een stic h_uen . dat leghet bachte_ willems van led?ne gheset jn pande ten heuweliken daghen / den h_e fransoyse vors_ / ende allen sine_ naco_mers / de vors_ . xx . s_ par_ te jnnenne up tfors_ huus / ende up de twee vors_ stic h_uen elke siaers te elken sente baues messe . . Hier ouer was alse maenre dieder_ heins zoene in mins ser heinr_ braems stede al machtech / en_ alse late / jan van wett_e en_ arnoud de dobl_e / dit was ghedaen jnt jaer ons h_en als men screef . M˚ ccc˚ ende . + xxxi˚ . Sdicendaghes nae sente bauen dagh