Corpus Van Reenen-Mulder (CRM14): Oorkonde I241p35201

Kenlijc zij allen den ghenen die nv zijn / en_ hier naer wezen zullen / . Dat willem bette Ser Symoens bets zone was / En_ ver Mergriete scots zijn wettelike wijf / . Ghezond van lechamen / Ghaende / staende / en_ wel jn haren vijf zinnen / en_ goeder ghedinkenessen / . hebben ghegheuen / en_ ghedreghen vppe al nv jn gherechter ghiften / en_ jn aelmoesenen puurlike / omme gode jn de hande van Mergrieten wouter Onijns docht_ jn desen tijd woenende jn der weuers huus / . ten godshuuse / en_ ten aerme_ bouf diere in zijn of zijn zullen / hare prouende / daghelix der mede te beterne / also verre alst ghedraeght . viertich . sceelghe paris_ Eerueliker Rente_ tsiaers / ligghende bewijst vp den kalanderbeergh / tenden der langher straten . vp de Eerue daer thuus vp staet daer wylen der willem van basseuelde jn woenende was / naest den huus da_e claeys van den heede vte verstaerf . . Van welker Eerueliker Rnte_ vp de Eerue voornomt / De voors_ willem / en_ ver Mergr_ zijn wijf vte ghinghen / en_ worpens met alme / en_ sij daden daer toe met hande / en_ met monde al dat zij sculdich waren te doene na de wet / costume / en_ vsage van der poort van ghendt o_me hemlieden daer af tontEeruene / en_ tontgoedene / . En_ zij hebbere Mergrieten voors_ toe + ghedaen / ten godshuuse / en_ ten aermen bouf voors_ / O_me tgodshuus daer in te Eeruene / en_ te goedene / alse jn zijn p_pre Eeruelike / en_ eyghijn ghegheuene goed / En_ dit es al~dus ghedaen / behouden dien / . Dat willem / en_ ver Mergr_ zijn wijf voornomt / dese vornomde Rente Effen / . hebben / . en_ behouden zullen paysiuelike tharen profijte / al den tijd dat zij beede te gadre leuen zullen / . En_ ter Eerster doot van hem beeden / So zullen de prouiseerrers / . en_ de beleeders van den godshuuse voors_ die nv zijn Of wezen zulle_ stappa_ts hare hande slaen an de Eeruelike Rente vp de Eerue voornomt / ten godshuuse / en_ ten aermen bouf voors_ / en_ dies Paysiuelike ghebruken / en_ behoude_ alse zijn p_pre eyghijn goed / Eeruelike / . en_ eeuwelike staende / en_ ghedurende / . Hier ouer waren gheroupen jn kenlijcheden / alse heerfachteghe liede binnen ghend / her daneel de Riddere priester / . ende Michiel mi_nebaerd . Dit was ghedaen vp alre heleghen auond jnt jaer ons heeren doe men screef . M˚ . + CCC˚ . + vijftich . + ende . + twee .