Corpus Van Reenen-Mulder (CRM14): Oorkonde I241p35501

Kenlijc zij allen den ghenen die nv zijn / . ende hier naer wezen zullen / Dat Broeder Jan kauthaerd . Meester van den ?aerden in ghend / . heeft ghecocht / ende ghecreghen wel / ende Redenlike / . Jeghen pieter betten / ende jeghen ioncurouwen sophyen zinen wetteliken wiue . Drie . ponde . par_ . heerueliker Renten elkes tsiaers . eeuwelike staende / . ende gheduerende / ter fermerien / . ende ter zieker bouf van den beghaerden voorseit / Omme . eene . zekere ghenoemde Somme van ghelde waer af dat hem pieter bette . ende ioncurouwe sophie zijn wijf . bekenden hem beeden wel vergholden / . betaelt / . ende al ghemoet van Broeder janne voornoemt / . En_ de~welke voornoemde heeruelike Rente / zij hebben bezedt / . ende bewijst . jaerleexs te heffene / . ende tontfane altoes te kersauonde / . vp al de heerue / also verre / alse de ghelaghelijcheden / streckende van vooren / tote bachten / van . tween / huusen diere vp staen . ligghende in de cruusstrate / naeste jans spelliaers huus ende herue ane deene zijde / en_ piet_ bets poorte ane dandre zijde / . Van welker voornoemder heeruen / . ende heerueliker Renten / . die Pieter bette / ende ioncurouwe sophye zijn wijf vercocht hebben / Sij beede hute~ghinghen / ende woorpens met halme / Ende zij daden daer toe met hande + / ende met monde al dat zij sculdech waren te doene na de wet / costume / . ende husaige van der poort van ghend / . Omme hemlieden daer af tonthuuttene / . tontheeruene / . ende tontgoedene / . Ende zij hebbere Broeder Janne / ter fermerien / ende ter zieker bouf van den begaerden voornoemt der toe ghedaen / . ende ghedreghen vppe jn gherechten wetteliken coepe / . en_ in allen eyghijndoe_me / . ende daer in gheheerft / . ende ghegoed / alse der fermerie_ voors_ p_pre ghecochte / . en_ ghecreghen eyghijn goed / . Ende zij gheloefden hem hier af / de wettelike waerscepe na de costume . ende husaige van der poort van ghend / Ende Broed_ Jan voorseit heeft hemlieden de waerscepe weder beuolen alse Recht / . Ende mids dat dese heerue diere vercocht es / . wylen ghecreghen was jeghen Boydine Rijme / . Omme desen coep goed / . ende ghestade / te bliuene / zonder eeneghe Calaenge van hem / . van zinen oere / ende naco_mers / So heeft hi + er toe de voorseide Boydijn sijn consent ghedaen / . Ende van al den Rechte dat hi + ere an hadde / . hebben / . Ofte heeschen mochte toten daghe van heden / . So es hij af~gheghaen . ende waerps met halme na de wet van d_ poort van ghend / ghelijc dat pieter / . en zijn wijf voornoemt / ghedaen hebben alsoet es voorseit / Ende hij bekende hem / daer af van al / tal / wel ghepayt / . verzaed / . ende vernoucht / . Ende dat Recht heeft hij al~te~male quijte ghescolden / . scelt quijte / . ende al quijte tallen daghen / . . Hier ouer waren gheroupen jn kenlijchede_ alse heeruachteghe liede binnen ?nd / . Meester jan van doeynze / Ser Jans van doeynze zone was / Ende Jan Rijcquaert / . . Dit was ghedaen vp den . viertiensten . dach in april . Jnt J? ?s heeren doe men screef . dusentich . + drie . + hondert . + vijftich ende viue / .