Corpus Van Reenen-Mulder (CRM14): Oorkonde I241p36101

Kenlijc . sij allen . lieden Dat broeder Jan coutaerd . heeft ghecocht . ende ghecreghen . wel ende redenlike jeghen janne van coudenberghen . Ende jeghen . joncvr_ katelinen siere docht_ suster Jnt spitael . taudenaerde . Tien . scele parisijse erueliker renten tsiaers . bewijst . ende te heffene telken sente bamesse in elc jaer vp dherue gheleghen . jn de brabantstrate daer jan van den remonde vp woent . Van welkere erueliker renten metter eruen daer soe vp bewijst es . . jan van coudenberghe ende jonvr_ kateline sijn docht_ beede vte~ghinghen . Ende worpens . met halme Ende sij daden daer toe met hande Ende met monde al dat sij sculdich waren te doene na wet costume ende vsage van der port van ghent . O_me hemlieden der af tontheruene en_ tontgoedene Ende den vorseiden broeder janne coutaerde der in teruene Ende te goedene alse in sijn propre eyghin ghecochte ende ghecreghen goed . Ende sij gheloofden hier af de wettelike waerscepe Ende broeder jan vorseit beual + se hemlieden weder als recht . Ende dese coop es ghedaen omme eene somme van ghelde daer af dat hem jan van coudenberghe Ende joncvr_ kateline sijn docht_ bekenden . wel betaelt ende al ghemoet . van broeder janne vorseit . . hier ouer waren gheroupen . jn kenlijcheden alse heerfachteghe liede in ghend . Gillis van roeselaer Ende jan haesbijt . Dit was ghedaen jnt jaer ons he_en als men screef M˚ CCC˚ . + een + . ende sestich . den zeuene en_ twijntechste_ dach in nouember